Poe isuk anu leuwih alus
Aini ngajajakeun goreng cauna, panonna luak lieuk ka katuhu ka kenca bisi aya nu ngageroan rek meuli goreng cauna.
Aini: “ goreng cau, goreng cau”
Keur leumpang, Aini ninggali aya istri anu saumuran jeung manehna keur dagang es mambo. Aini ngabayangkeun budak eta sarua miskinna jeung manehna.
Aini: “ hmm… budak eta oge sumanget ngan saukur dagang hungkul. Teu jadi tukang menta2 di stopan. henteu! sim kuring oge teu boga niat jadi jelema tukang mentaan ka batur”
Aini ngalanjutkeun deui dagangna
Aini: “ goreng cau, goreng cau!”
Nonon: “ es mambo! Es! Es!”
Maranehna papanggih di tungtung jalan. Aini jeung Nonon paseuri-seuri sabari jalan bareng teras ngobrol.
Nonon:” goreng cau maneh loba keneh?”
Aini: “ enya, ari es maneh?”
Nonon: “ lima puluh deui”
Aini: “ emangna mawa sabaraha?”
Nonon: “ saratus”
Aini: “ oh..”
Maranehna ngiuhan di handapeun tangkal asem anu rindang sahingga teu kapanasan.
Nonon:” maneh ngajual goreng cau sabarahaan?”
Aini: “ dua ratus lima puluh hijina.”
Nonon: “ sami atuh abdi oge ngajualna sakitu. Urang patukeur-tukeur we yu!”
Aini awalna mah ragu keneh, tapi tungtungna ngaenyakeun sangkan titatadi manehna oge haus. Aini
nyokot es mambo, Nonon nyokot goreng cauna. Maranehna ngarobrolkeun nguenaan kulawarga masing2.
Nonon: “ Oh enya, nami abdi Nonon.”
Aini: “ nami abdi Aini. Nonon masih keneh sakola?”
Nonon:” enya.”
Aini: “ saha ari anu ngabiayaanna?”
Nonon: “ abdi nyalira tina kauntungan dagang es mambo ieu,”
Aini cicing, di jero hatena ngomong Nonon sami nasibna jeung manehna. Atos puas ngobrol, maranehna balik ka imah masing2.
Enjingna Aini ngajajakeun deui goring cauna. Aini jadi kainget ibuna anu kerja keras ngabiayaan kulawargana janten pembantu rumah tangga. Rama na ka serang struk atos 2 taun.
Aini:” goreng cau, goreng cau! Haneut keneh.”
Di sisi jalan loba tukang becak anu nuju mangkal, salah sahijina ngageroan Aini.
Tukang becak: “ goreng cau neng! Kadieu masih keneh haneutnya?”
Aini: “ muhun mang.”
Aini rada sieun oge sangkan geus ngabohong goreng cauna haneut keneh, padahal mah geus tiis. Tukang becak nagbuka baskom wadah goreng cau teras nyabak cau eta.
Tukang becak: “ ongkoh haneut! Gening tiis kieu. Tong ngabohong ari dagang teh atuh! Teu jadi meuli ah! (sabari ambek)
Aini sieun sabari ceurik. Aya tukang becak nu lainna nagdeukeutan Aini
Pak Warso: “ kunaon neng ceurik? Sabarahaan hijina? Dua ratus lima puluh nya? Bapak meuli 4, teu kudu ceurik.”
Aini ngarasa bersalah pisan sangkan geus ngabohong.
Aini: “ hapunten pak abdi atos ngabohong.”
Pak warso:” atos teu nanaon. Geus tiis oge ngeunah da cauna amis.”
Aini ngabungkuskeun goreng cauna sabari ceurik keneh.
Pak warso: “ naha masih keneh ceurik? Atos atuh tong ceurik wae. Imahna dimana neng?”
Aini:” rorompok abdi di gang Harlan pak.”
Pak warso: “ oh jauh pisan atuh nya. Dagangna sok nepi ka dieu?”
Aini:” henteu pak. Ayeuna mah goreng cau abdi seueur keneh janten dagangna nepi ka dieu.”
Pak warso: “ tong putus asa. Hirup manusa teh teu mulus. Kadang aya di luhur, kadang oge aya di handap siga roda.”
Aini:” muhun pak,”
Pak warso: “ rezeky the geus di atur Allah, jadi tong putus asa nya!”
Aini:” muhun pak nuhun nasihatna.”
Tukang becak:” ah maneh ceurik da hayang goreng cauna payu nya? Ayeuna pan loba anu dagang sok ngabobodo ameh daganganna payu.”
Pak warso: “ Huss! Huss! Tong ngajieun budak ieu leuwih sedih. Jempe we lah!
Pak warso nungtun Aini ngajauhan tukang becak eta.
Pak warso: “ atos tong dipikiran. Engke ka dieu deui nya da bapak mangkal di dieu.”
Aini: “ nuhun pak.” (sabarai ngusap cai panon)
Pak warso :” ngaran bapak Warso.”
Aini: “ abdi Aini pak.”
Aini langsung we ninggalkeun tempat eta teras balik ka imahna.
Aini: “ bu, bapak atos neda?”
Ibu:” atos, ayeuna keur di kamar keur shalat.”
Aini langsung istirahat di kamarna da tadi atos dagang jauh pisan. Pas peutingna…
Ibu:” nuju naon neng?”
Aini: “ eh ieu bu nuju ninggal bulan. Muni caang pisan.”
Ibu:” sadayana eta kehendak Allah. Allah tetep mere anu terbaik keur umat manusa. Dunya nu poek pas peuting jadi caang sangkan aya bulan. Manusa anu sesat, lamun deukeut jeung menta hampura ka Gusti Allah pasti jalanna bakal caang. Lamun urang boga salah, gera menta hampura da Allah Maha Pangampun jeung Maha Penyayang. Allah tara nyiptakeun anu goreng keur manusa, kabeh anu diciptakeun aya mangpaatna. Sok bulan anu katinggali ku eneng teu leuwih gede tibatan piring, namung bisa mere panerangan ka sakabeh dunya.”
Aini:” Subahanallah.”
Aini langsung bersyukur peuting eta saenggeus ngadangu ibuna nyarios kitu. Aini teu putus asa dagang goreng cauna. Malah manehna ngarasa berdosa pas ngabohong goreng cauna haneut keneh.
Aini langsung pamit ka ibuna teras bobo. Subuh keneh Aini atos gugah teras shlat subuh. Saatos eta langsung nyiapkeun kanggo dagang goreng cauna jeung nambahan deui dagangan Aini nyaeta ulen.
Ibu:” neng bade ngadagangkeun dimana?”
Aini:” kumaha engke we bu. Nu penting doakeun abdi supados ieu dagangan teh payu.”
Ibu: “ amin. Sok kade ati2 di jalannya.”
Aini gera leumpang. Poe ieu manehna sumanget pisan dagangna. Loba jelema anu ngageroan manehna rek meuli eta goreng cau jeung ulen.
Bu Indah: “ ulenna sabarahaan?”
Aini:” biasa bu dua ratus lima puluh.”
Bu indah:” tong murah teuing atuh. Ayeuna mah sagala barang oge naraek hargana. Jual we sarebu tilu.”
Aini:” langganan abdi atos seueur bu, abdi sieun engke langganan abdi kararabur hargana di taekkeun.”
Bu indah:” nya wios atuh ibu anu meser sarebu tilu. Ibu nyandak 9 potong ieu artosna tilu rebu.”
Aini:” nuhun bu.”
Bu indah:” dagangna kamana wae?”
Indah:” tebih bu nepi ka gang sentiong.”
Bu indah:” ku ibu di doakeun mugi daganganna enggal seep teras ati2 nya.”
Dagangan Aini poe eta beak teu siga poe kamari-kamarina. Aini gera balik ka imahna teras bebeja ka ibuna.
Aini:” bu Alhamdulillah dagangan abdi ayeuna mah seep.”
Ibu:” Alhamdulillah.” (sabari seuri)
Tidak ada komentar:
Posting Komentar